終於整左眉啦！可以一勞永逸啦！嘻…最岩我呢啲懶人！今次係第2次整眉。第一次係整繡眉，今次就係3D眉 不過其實都吾知點分類型，又秀眉 又繡眉 又4D眉又3D眉，多到乜咁。 今次同上次都係上團購網買嘅，今次團購費$388 at style beauty：包一次補色。
到style beauty，師傅見到我條眉就話：哇！乜你條眉咁肉酸。(事緣我條眉上次繡到一塔一塔好深色，同埋用左黑色)
跟住佢就叫我洗眉先要1800蚊，洗左個底色佢，佢話我底色深一塔塔吾好睇。
我問左可吾可以cover左啲底色去，師傅都話吾得，我唯有好肉痛俾左1800洗(師傅話1800平左俾左個團購價我)
圖一：我full緊麻醉膏
圖二：用激光洗左大部分嘅底色，前面見到嘅係我嘅眉毛，所以我好慘，新丁眉
由於師傅話我知做完LASER，最好隔一個月再去整3D眉所以我就以圖二嘅眉返歸，但我無帶帽，就咁樣係條街行真係好嚇人。
P.S 即使我做左麻醉都痛，所以勸大家可以full耐啲麻醉膏。
隔左一個月.....
我又上去整眉，由於師傅又同我講團購價整眉係用平顏料同平麻醉，如要用好嘅就800+500... 唉！個下我心到灰埋，愈嚟愈貴。 師傅係到講整靚啲就一世，信佢無死，我整得好靚嫁。
跟住..
我就加左800用好顏料(師傅話溝色似啡色)，但無加500用好麻醉(因為我一心諗應該吾係好痛啫)點知係好x痛... 師傅整左幾下我忍吾住同師傅講要加500麻醉，
圖三：500麻醉中
P.S加左500麻醉都係會感覺到痛但起碼可以忍受，我內心一直嘅OS就係要靚就係忍。咁就忍左過去，條眉都有流血，之後都有震痛。最後又叫我加左280嘅藥膏搽眉，我個下心諗算啦。吾爭左！
圖四：完成，查左藥膏，係好似甘油嘅質地
圖五：近鏡左邊眉 圖六：近鏡右邊眉
圖0：係我之前未整眉，平時自己畫嘅眉，我覺得師傅都整得幾似，所以我幾like..
不過整完我有個結論女人錢好易賺&千其唔好貪平-__-
雖然今次整眉過程唔係太愉快，但幸運地眉型同眉色整得幾岩我心水，所以都唔會耿耿於懷。
黎緊我會去做我第2樣想做既野就係脫毛，請期待下我下次既脫毛日記。
